Аз моҳи октябри соли 2015 дар дафтари Радиои Озодӣ дар Душанбе кор мекунад. Дар гузашта хабарнигори Оҷонси иттилоотии "TojNews" ва нашрияи "ИмрӯзNews" буд. Хатмкардаи факултаи рӯзноманигории Донишгоҳи миллии Тоҷикистон аст.
Намояндагони Палатаи ҳисоб дар "Амонатбонк" беш аз 200 миллион сомонӣ “камбуди молӣ” ёфтаанд, аммо аз он нигаронанд, ки “масъала пурра ҳал нашудааст”. Раҳбарияти “Амонатбонк” гуфтанд, мушкил бо гуноҳи муштариёне сар зад, ки қарз гирифта, сари вақт барнагардонданд.
Ҳукумати ноҳияи Шоҳмансур дар Душанбе ба зидди Далери Имомалӣ, рӯзноманигори боздоштшудаи тоҷик, ба Додситонӣ шикоят кардааст. Раиси ноҳия, Билол Иброҳим, рӯзи 20-уми июл ӯро ба бозтоби, ба гуфтааш, нодурусти тахриби хонаҳо ва монеъ шудан ба кори намояндагони ҳукумат муттаҳам донист.
Як сабаби андаке поин рафтани қурби доллар дар Тоҷикистон муомилаи бештар бо рубли русӣ будааст. Баъди оғози ҷанг дар Украина ва таҳримҳои иқтисодии кишварҳои ғарбӣ алайҳи Маскав, Русия муомилотро бо рубли русӣ бо кишварҳое ба роҳ андохт, ки шарикони асосиаш ба ҳисоб мераванд. Аз ҷумла, Тоҷикистон.
Раиси Додгоҳи олии Тоҷикистон гуфт, танҳо ҳамин сол се додрас ба гумони ришвахорӣ дастгир шудаанд ва ҳоло мунтазиранд, ки ҳамкорони собиқашон онҳоро ҷазо бидиҳанд.
Имсол издивоҷи бонувони тоҷик бо шаҳрвандони хориҷӣ кам шудааст. Ба иттилои мақомот, аз аввали имсол то имрӯз 39 никоҳ бо хориҷиёнро сабт кардаанд. Соли гузашта 116 адад будааст. Дар ин бора дар нишасти Вазорати адлия хабар дода, гуфтанд дар Тоҷикистон талоқ ҳам зиёд шудааст. Чаро?
Масъулони Хадамоти алоқа як сабаби паст будани суръат ва сифати Интернетро дар Тоҷикистон "истифодаи нодурусти он аз сӯйи мардум" номиданд. Ин дар ҳолест, ки муштариён ҳамеша гуноҳи ширкатҳои мухобиротӣ ва Хадамоти алоқа медонанд.
Мақомоти Тоҷикистон мегӯянд, як сабаби паст будани суръату сифати интернет дар истифодаи нодурусти он аз сӯйи худи корбарон аст. Ин дар ҳоле, ки муштариён пайваста аз суст будани суръати интернет дар телефонҳояшон ширкатҳои мухобиротӣ ва ниҳодҳои дигари масъулро танқид мекунанд.
Зулфия Давлатзода рӯзи 12-уми июл дар як нишасти матбуотӣ иддао кард, ки коргардон "аз матни асар дур рафта, онро таҳриф кардааст", аммо далели мушаххас наовард. Барзу Абдураззоқов мегӯяд, бо ҳамин мазмун номаи расмӣ гирифт, вале бо он розӣ несту хулосаашро ба зудӣ хоҳад фиристод.
Дар пайи афзоиши мавридҳои сироят ба СOVID-19 дар бархе аз кишварҳои ҳамсояи Тоҷикистон, аз ҷумла Қазоқистону Қирғизистон, дар Тоҷикистон ҳам чораҳои пешгиртӣ аз сирояти вирус сахттар шудааст.
Пас аз ду соли маҳдудиятҳои пандемияи коронавирус ин тобистон бархе сокинон барои истироҳати тобистонаи худ ба хориҷ аз кишвар рафтаанд.
Бархе сокинон пас аз ду соли маҳудиятҳо ба хотири ҷилавгирӣ аз КОВИД 19 сафар барои истироҳат дар хориҷро оғоз кардаанд. Сокинони миёнаҳол Самарқанду Бухороро интихоб кардаанд ва сарватмандон бештар ба Туркия ва Дубай мераванд. Гурӯҳи зиёд ҳам бинобар бепулӣ ба ҳеҷ ҷо нарафтаанд.
Мақомоти Тоҷикистон дар робита бо мавҷи дигари коронавирус дар кишварҳои ҳамсоя, санҷиши гувоҳномаи эм ва ҳарорати мусофиронро дар фурудгоҳ ва гузаргоҳҳои сарҳадӣ сахттар кардаанд. Ҳамзамон мегӯянд, дар марзҳои Тоҷикистон маҳдудияте ҷорӣ нашудааст.
Пас аз як моҳи афзоиши қурби рубли русӣ дар баробари сомонӣ, арзиши он дар бонкҳои Тоҷикистон дигарбора поин рафт. Баръакс, арзиши доллари амрикоӣ тайи ду рӯзи охир тақрибан ҷойгоҳи пешинаашро гирифтааст.
Дар Тоҷикистон дубора арзиши рубли русӣ дар баробари сомонӣ поин рафт. Қурби рубл барои аксар сокинони Тоҷикистон як мавзӯи муҳим аст, чун наздиконашон аз Русия асосан пули русӣ мефиристанд.
Баъзе аз сокинон шикоят доранд, ки имсол, бо вуҷуди фаровонӣ, нархи мева дар бозорҳои Душанбе гарону дастнорас аст. Деҳқонҳо мегӯянд, ҳосили хуб гирифтанд, аммо маҳсулотро дар бозор на онҳо, балки тоҷирон мефурӯшанд. Масъулон бовар доранд, нарх барои омма муносиб аст.
Моҳе пеш ҷасади Талбак Бобоев, як сокини ноҳияи Шамсиддин Шоҳинро аз “Баҳри Норак” пайдо карданд.
Дар шаҳри Душанбе намоишгоҳи молу маҳсулот бо ҳузури 70 ширкату корхонаи мухталиф баргузор шуд, ки дар назар аст, то ду рӯзи дигар идома ёбад.
Як ҳафта аст, ки дар саҳифаи ютубии Далери Имомалӣ гузориши нав пахш намешавад. Рӯзҳои қабули вазирону раисон ҳам бе интрига мегузарад.
Вакилони Маҷлиси намояндагон, палатаи поёнии парлумони Тоҷикистон бо ислоҳ ва илова ба Кодекси ҷиноӣ ҷазо барои озори ҷинсии кӯдакону ноболиғонро сахттар карданд.
Далери Имомалӣ ва Абдулло Ғурбатӣ, ду рӯзноманигори тоҷик аз сӯи мақомот боздошт шудаанд. Алайҳи Далери Имомалӣ бо иттиҳомҳои "фаъолияти соҳибкории ғайриқонунӣ" ва "дидаву дониста додани хабари бардурӯғ оиди содир шудани ҷиноят" парванда боз шудааст.
Ёфтҳои бештар
